హైదరాబాద్: ఫోక్ డ్యాన్సర్ మాధురి రాథోడ్ ఆత్మహత్యాయత్నానికి పాల్పడినట్లు సమాచారం. ఈశ్వర్ సాయిపై ఫిర్యాదు చేసినప్పటికీ ఇప్పటివరకు అరెస్ట్ చేయకపోవడంతో మనస్తాపానికి గురై ఆమె ఈ అఘాయిత్యానికి ప్రయత్నించినట్లు తెలుస్తోంది.
ఇంట్లో ఫ్యాన్కు వేలాడుతున్న మాధురిని కుటుంబ సభ్యులు గుర్తించి, తలుపులు పగలగొట్టి కాపాడినట్లు సమాచారం.
తనను పెళ్లి చేసుకుంటానని నమ్మించి ఈశ్వర్ సాయి మోసం చేశాడని మాధురి రాథోడ్ నార్సింగి పోలీసులకు ఫిర్యాదు చేసినట్లు సమాచారం. అలాగే తన ఫొటోలు, వీడియోలను ఉపయోగించి ఏఐ ద్వారా వీడియోలు సృష్టించి సోషల్ మీడియాలో షేర్ చేశారని ఆమె ఆరోపించింది.
తన ఫిర్యాదుపై కేసు నమోదైనప్పటికీ నిందితుడిని ఇప్పటివరకు అరెస్ట్ చేయలేదని మాధురి ఆవేదన వ్యక్తం చేసినట్లు తెలుస్తోంది. నార్సింగి పోలీసులు ఈశ్వర్ సాయిని తప్పించే ప్రయత్నం చేస్తున్నారని కూడా ఆమె ఆరోపించినట్లు సమాచారం.
అయితే, ఈ ఘటనపై పోలీసుల అధికారిక స్పందన రావాల్సి ఉంది. మాధురి రాథోడ్ ఆరోగ్య పరిస్థితిపై పూర్తి వివరాలు తెలియాల్సి ఉంది.
