బాపట్ల నుంచి శ్రీకాకుళం వరకు తీర ప్రాంత ప్రజలు అప్రమత్తంగా ఉండాలి!
తీర ప్రాంతాల్లో ప్రతికూల వాతావరణ పరిస్థితుల నేపథ్యంలో ప్రజలకు సూచనలు
ఆంధ్రప్రదేశ్ తీర ప్రాంతాల్లో నివసించే ప్రజలు అప్రమత్తంగా ఉండాలని సూచించారు. బాపట్ల నుంచి శ్రీకాకుళం వరకు తీర ప్రాంత ప్రజలు వాతావరణ పరిస్థితులను గమనిస్తూ జాగ్రత్తలు తీసుకోవాలని విజ్ఞప్తి చేశారు.
తీవ్రమైన వాతావరణ పరిస్థితులు ఉన్న సమయంలో అత్యవసరమైతే తప్ప ఇళ్ల నుంచి బయటకు రావద్దని సూచించారు. ఇంట్లో ఉన్నప్పుడు కిటికీలకు దూరంగా ఉండాలని, సముద్ర తీరాలు, బీచ్‌లు, అలలు ఉధృతంగా ఉండే ప్రమాదకర ప్రాంతాలకు వెళ్లవద్దని హెచ్చరించారు.
అధికారిక హెచ్చరికలు పాటించాలి
భారత వాతావరణ శాఖ (IMD), ఆంధ్రప్రదేశ్ రాష్ట్ర విపత్తుల నిర్వహణ సంస్థ (APSDMA) జారీ చేసే అధికారిక హెచ్చరికలు, సూచనలను తప్పనిసరిగా పాటించాలని సూచించారు. వాతావరణ పరిస్థితుల్లో మార్పులను ఎప్పటికప్పుడు గమనిస్తూ అప్రమత్తంగా ఉండాలని కోరారు.
ప్రజల భద్రతే ముఖ్యం. అప్రమత్తంగా ఉండండి.. సురక్షితంగా ఉండండి
