దానం నాగేందర్‌పై అనర్హత వేటు నేపథ్యంలో ఖైరతాబాద్ అసెంబ్లీ స్థానం ఖాళీగా ఉన్నట్లు అసెంబ్లీ కార్యదర్శి గెజిట్ నోటిఫికేషన్ జారీ చేశారు.
తెలంగాణ హైకోర్టు తీర్పు మేరకు 2024 ఏప్రిల్ 23 నుంచి దానం నాగేందర్ ఎమ్మెల్యే పదవికి అనర్హుడిగా ప్రకటించడంతో అదే తేదీ నుంచి ఖైరతాబాద్ అసెంబ్లీ స్థానం ఖాళీగా పరిగణించబడింది.
దానం నాగేందర్ 2023 అసెంబ్లీ ఎన్నికల్లో బీఆర్‌ఎస్ తరఫున ఖైరతాబాద్ నుంచి గెలుపొందారు. అనంతరం 2024 లోక్‌సభ ఎన్నికల్లో సికింద్రాబాద్ నుంచి కాంగ్రెస్ అభ్యర్థిగా పోటీ చేశారు. ఈ వ్యవహారంపై దాఖలైన అనర్హత పిటిషన్లలో హైకోర్టు ఆయనపై అనర్హత వేటు వేసింది.
ఈ తీర్పును సుప్రీంకోర్టు కూడా సెప్టెంబర్ 24న సమర్థించింది. దీంతో ఖైరతాబాద్ స్థానానికి ఉపఎన్నిక జరగాల్సిన పరిస్థితి ఏర్పడింది.